خطيبك خطيبك خطيبك إيه وجعتوا دماغنا بخطيبي اللي مفيش منه ده في العالم، الرحمة بقى مش كده .قالتها " شمس" و هي تهدر بصوتها الجهوري بينما ردت شقيقتها وقالت:_ طيب يا شمس اهدي يا حبيبتي أنا عررفة انك مضغوطة بسبب الفرح و التجهيزات بس أنا بس حبيت انبهك إنك كلها يومين وتشيلي اسم عز الدين خطاب و اللي بتعمليه ده حرام و عيب .

ربتت " شمس" على كتف أختها و قالت بنبرة مغتاظة:_ متشكرين على النُصح و الارشاد يا ست شوق خليهم لنفسك لما إن شاء الله كده يجيلك عريس الهنا .ختمت حديثها و هي تقول بسخرية:_ ولو اني مش عارفة مين ده اللي هيتخبط في نفوخه و يتجوز واحدة زيك .

سألتها " شوق" و هي تعلم تمام العلم أن الإجابة التي تتوقعها جاهزة لديها :_ ومالي بقى إن شاء الله يا ست شمس ؟_ ملكيش يا ستي أنا اللي وحشة و محدش يبص في وشي ارتاحتي كده متعصبيش نفسك

الأكثر قراءة الان

رواية بنت العدومنذ 6 أيامالو.قح بقلم زهرة الربيعمنذ 3 أيامعشــ,,ـــــق وسليممنذ 3 أيام

ختمت حديثها بنبرة هامسة تملؤها السخرية الواضحة من مرضها حين قالت:_ احسن تيجيلك نوبة الجنان من تاني
الصرع مش جنان يا شمس ده مرض زيه زي أي مرض خلقه ربنا و الحمد لله راضية بنعمة ربنا عليا .

اردفت " شوق" عبارتها و عيناها لا تبرح خاصتها تؤكد لها بأن حديثها لايؤذيها و أنها تتعامل مع مرضها و كأنه صديقًا لها و ليس عدوٍ يجب عليها محاربته و النفور منه ندمت " شمس" على معايرتها لأختها شعرت أنها تمادت ف وقاحتها هذه المرة تنحنحت ثم قالت بعتذار يغلفه العتاب :

_ متزعليش مني مكنش قصدي أنتِ اللي استفزتيني مش أكتر .

*******قبل الزفاف بيوم
داخل منزل " عزالدين خطاب" منزل عائلي مكون من خمس طوابق هو يقطن بالأخير بعد أن ساعد اخوته في الزواج ماعدا أخته الصغرى فهي تدرس في كلية التمريض تنازلت عن حلمها لأجله كانت تعشق الرسم و تمنت أن تلتحق بكلية فنون جميلة لكنها تنازلت عن حلمها بعد أن تعرض أخيها لحادث آليم نتج عنه إ٢ابته بالشلل النصفي، كانت حينها في اواخر أيام الصف الثالث الاعدادي و عاشت معه جميع مراحل مرضه و سانداته رغم صغر سنها حينها، قررت أن تكون هي ممرضته حتى لا يحتاج لأحد في أي وقت حبه لها انعكس عليها و على تصرفاتها هذه العائلة حتى الآن عائلة مثالية لا غبار عليها عائلة الجميع يتمنى أن يحظى بها حقا ويكون فردًا منها .

كان جالسًا وسط عائلته في آخر ساعات الليل يتبادل معهم الحديث حول هذا وذاك، تحدث أخيه بحماس وهو يقول:_ يااه أخيرًا هنغرح فيك ونشوف عريس و نذل فيك زي ما عملت فينا يا كبير .ابتسم له و قال:_ للأسف هتشتم فيا .

ردت والدته بنبرة معاتبة وقالت:_ ليه كده ياحبيبي بلاش كلام زي كده المنطوق مغعول فـ اتفائل خير .بينما رد أخيه وقال:_ يا ماما يا حبيبتي هو قصده اني هشمت فيه انه خلاص هيتجوز زينا وهيبات على السلم لو اتاخر عن المدام مش قصده حاجة وحشة لا قدر الله .

_ بردو ميقولش كده _ حقك عليا يا ست الكل هخلي بالي المرة الجاية حاضر
سكت مليًا قبل أن يقول بتوتر ملحوظ في حديثه لكنه حاول أن يخفيه عنهم :_ مش كنا نصبر شوية لحد ما اعمل العملية