مراد ، هههههههه ماشي يا لمضه عارفه لماضتك دي أنا بها
نور ، لا والله ده بجد
مراد ، اه والله بجد ياللا ادخلي البسي الناس واقفين يستنونا
نور ، عشر دقايق وهكون قدامك جاهزه
مراد ، ماشي ياقمرى ياللا بسرعه وراح بيسها من خدها
//////////////////////
حور ، والله يا حسام أنا عارفه نور ومراد ابرد منهم مفيش هما الاتنين شوف من أمتي احنا جايين احنا في الطريق
حسام ، معلش يا حبيبتي عرسان جداد بقا وانتي فاهمه بيتلكعوا ازاي
حور ، والله بجد
حسام ، أمم اهم اجم اهم
حور ، ياللا يا ابله اركبي المفروض كنا كلمناكم تلبسوا علي بيات
نور ، معلش بقا يا حور متزعليش اهو احنا اجينا اهو
مراد ، عادي ياجماعه أما نلطعكوا في الشارع ساعتين تلاته
حسام ،. اه وماله ده انت ابرد انسان شوفته في حياتي
مراد ، شكرا يا اسخن انسان شوفته في حياتي
حور ، ممكن تسكتوا انتو الاتنين عشان مراد نام
مراد ، لا أنا منمتش أنا صاحي اهو
حور ، نينيني خفه
نور ، هههههه والله يا حبيبي ماحد طايقك غيري
مراد ، احسن حاجه كفايه عليه انك انتي طيقاني يا روحي
حسام ،. اه يا روحي ويا حبيبي الله يرحم يا بتاع الرقاصات
مراد ، هههههههه انت لسه فاكر ما خلاص اترقيت لحبيبي
نور ، طب اسكت يابتاع الرقاصات عشان الولد ينام
مراد بهمس ، وحياه امك أما نروح لهوريكي
نور ، هتوريني ايه أنا عايزه اشوف
مراد ، سافله يا حبيبتي
نور ، تربيتك يا حبيبي
حسام ، مجانين يا حبايبي
مراد ، انت بتتجسس علينا
حسام ، أنا حاش لله وهتجسس عليكم ليه انتو اللي صوتكو عالي
مراد ، خلاص احنا اتخرسنا خلاص
حسام ، صح كده طلعوا المصحف اقرأوا فيه احنا ماشيين علي طريق طويل
حور ، بص افتح علي اذاعه القران الكريم واحنا هنسمع طول الطريق لأن مراد في أيدي ومش هعرف امسك المصحف
حسام ، تمام وشغل علي اذاعه القران الكريم وفضلو طول الطريق يسمعوا كلام ربنا
بعد مرور عده ساعات وصلو قدام قصر الحاج ناصر
حور ، حسام تعالي قبل مانطلع نروح نزور قــ,,ـبر ماما
نور ، اه ياريت يا حسام
حسام ، ماشي وراح رايح عند القــ,,ـبر
حور وقفت قدام القــ,,ـبر وفجأه انهالت الدموع من عينيها وقالت في سرها ، ماما حبيبتي وحشتيني أنا خلفت وجبت مراد احنا اتبهدلنا وتعبنا اوى من غيرك والله بس حسام ربنا عوضني بيه وقربنا من بعض عشان كل حاجه وحشه تتمحا بس والله أنا كل يوم بنام ودموعي علي عيني مش قادره انساكي ولا قادره انسا اني كنت السبب في اللي حصلك سامحيني
وراحت قرألها الفاتحه
نور قعدت تعيط جامد وراحت نازله علي ركبها ، ماما وحشتيني اوي والله مش قادره انساكي يوم فراقك عني أنا حاسه اني دي الوقت مش من سنه أنا بجد مدمره من غيرك مهما ضحكت أو هزرت فانتي في قلبي لسه مش قادره انساكي
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.